Ginpat-od ni Engr. Randy Pastrolero, Vice-President for Operations sang Panay Electric Company nga indi sila mag-untat sa pagdistribute sang kuryente sa ila kga konsumidor kadungan sang pag-expire sang ila prangkisa sa Enero 19, 2019.
Suno kay Pastolero nga nagalaum sila nga magapaguwa sang direktiba ang Department of Energy nga padayunon nila ang power distribution.
Iya man ginpahayag nga naga-coordinate man sila sa Energy regulatory Commission agud mapasiguro nga indi mawad-an sang supply sang kuryente ang siyudad.
Gin-athag man ni Pastolero nga sa karon, apisar wala ma-renew ang ila franchise apang ang MORE Power Corporation nga ginapaboran sang kamara kag senado nga mangin distributor sa siyudad ang wala pa man ma-isyuhan sang prangkisa.
Iya pa gindugang nga ang ila karon ginatindugan amo ang ila Certificate of Public Convenience and Necessity ukon CPCN nga maga-expire pa sa Mayo 24 sini nga tuig kabangdanan nagapati sila nga puwede sila gihapon makapadayon sa pagdistribute sang kuryente apisar paso na ang ila prangkisa.
