Ginpanindogan ni Mr. Petronilo Madrid, First Vice President sang Panay Energy Development Corporatio (PEDC) nga pasado sa laboratory testing ang coal ash halin sa ila coal fired power plant.
Base sa 2017 4th quarter result analysis sang CRL Environmental Corporation, third party laboratory nga accredited sang DENR-EMB, non detectable ang metals nga arsenic, barium, cadmium, chromium, lead, silver, mercury kag selenium.
Sa pagkamatu-od suno kay Madrid, madamo nga isda, alimango kag kasag sa ila ash pond nga ila man ginakuha kag ginaka-on.
Nahibalu-an, nagpaguwa sang pahayag si Engr. Mavi Gustilo, Project Engineer sang DPWH 6 nga indi pwede gamiton bilang filling materials ang coal ash sa Iloilo River Espanade 6 bangud posible delikado sa ikaayong lawas kag sa suba.
