Davao City – Ang pederalismo maoy nakitang bugtong solusyon sa padayong kasamok sa Mindanao.
Kini ang nakita sa regional chairman sa Ulama League of the Philippines Ustadz Mahmoud Adilao sa way kahumanang gubot sa yutang saad karong panahona.
Sumala ni Adilao, kung mahimo nang federal ang sistema sa gobyerno, posibleng mahunong na ang kasamok tungod kay pantay na tanan ang mga tawo.
Giklaro usab ni Adilao nga way rason nga hatagan sa halapad nga poder ang Bangsamoro tungod kay anaa gihapon ang kagubot.
Matud sa Ulama League leader, dili garantiya kini nga maangkon na ang kalinaw sa Mindanao.
Gihimong ehemplo ni Adilao ang gimugnang Autonomous Region in Muslim Midnanao kun ARMM nga wala gihapon mo-asenso ang mga tawo sa maong mga lugar ug nagpadayon gihapon ang kagubot usa na niini ang Marawi City.
RayoMaN Bernard Pantallon
