General Santos City–Isyu kalabutan sa pederalismo ug kurapsyon ang nahimong unod sa mensahe ni Presidente Rodrigo Duterte sa mga Barangay Kapitan atol sa eksklosibo niining pakigtagbo sa mga barangay kapitan sa Gensan, Sarangani ug South Cotabato niadtong Myerkules sa gabie.
Kapin sa usa ka oras ang paghatag ug mensahe sa Pangulo ngadto sa mga kapitan diin iyang gipasabot ang kabahin sa giduso niining pederalismo ug ang mamahimong bintaha niini.
Naghisgot sab si Pangulong Rodrigo Duterte bahin sa kurapsyon diin iya pang gihimong pananglitan ang mga gipangtanggal niini sa serbisyo nga mga opisyal sa gobyerno nga nalambigit sa pagpangawkaw sa kaban sa katawhan.
Samtang apil usab nga gihisgutan sa pangulo ang bahin sa mga opisyal sa gobyerno nga nalambigit sa iligal nga droga. Gani iyang gitataw gna adunay daghan gyud sa iyang listahan nga mga opisyal sa barangay nga lambigit sa illegal drugs.
(Photo From Web)
