Davao city – Patay ang usa ka pedicab driver human pusila makaduha ka higayon sa wala mailhing armado nga nahitabo sa barangay Domingga, Calinan ning siyudad 8:00 karon lang buntag.
Giila sa Calinan PNP ang biktima nga mao si Alex Nobleza, 41 anyos, minyo ug nagpuyo sa nasangpit ra usab nga barangay.
Duha ka bala ang milubong sa ulo ug sa kilid sa lawas ang mitapos sa kinabuhi sa biktima human pusila sa suspek kinsa paspas sab misakay sa motorsiklo nga misundo kaniya ug dayon nagpadagan og kusog.
Matud ni Police Staff Sergeant Napalez, imbestigador sa Calinan Pnp nga mupauli na unta ang biktima dihang adunay usa ka lalake ang misakay kaniya ug naghatud sa barangay kung asa kini nagpuyo.
Duha ka sipa sa boto sa pistola ang nadungog sa mga tawo ug mao na lamang nakita ang paggawas sa pasahero gikan sa pedicab ug dayon mikabayo sa motor samtang gibiyaan nagkadugo ang biktima.
Busa dako ang pagtoo ni Napalez nga ang pasaherong lalake ang mipusil patay kang Nobleza sa dili pa matumbok nga rason kun motibo sanglit wala matud pa’y kalaban sa ilang lugar ang biktima.
RadyoMaN Joel Viray
