Davao City – Dakpan ang usa giingong pekeng dentista atol sa operasyon sa Davao City Dental Chapter uban ang Davao City Anti-Scam Unit ug National Bureau of Investigation pasado ala-1 sa kahaponon karong adlawa sa may Blk 8 Lot 14 Bonifacio St. Prk 3-A Kabayan Relocation Tibungco Davao City.
Sa interbyu kang Dr. Carlos Capitan II ang Chairman sa Committee on Illigal Practice of Dentistry naaresto ang suspek human nga naaktuhan kini nga iligal nga nagataod og braces sa asset sa mga operatiba.
Giila ang sa mga awtoridad ang suspek nga si Mark Velasco, 18 anyos ug residente sa nasangpit nga lugar.
Nakuha sa posisyon sa arestado ang mga nagkadaiyang dental supplies ug mga gamit ang-braces.
Gibutyag ni Capital nga tulo ka tuig na nilang ginamanmanan ang maong pekeng dentista.
Samtang aminado ang suspek nga iligal ang iyang gihimo apan tungod sa kawad-on nisulod siya sa maong aktibidad.
Matud sa suspek anaa sa P2,000-P3000 ang singil niya ngadto sa iyang mga kliyente.
Magatubang og kasong may kalapasan sa RA 9484 o Dental Act of 2007 si Velasco.
Pahimangno karon sa Davao City Dental Chapter sa katawhan nga dili musol-ob og mga pekeng braces tungod kay mamahimong madaot ang mga ngipon og uban pang matang sa sakit nga makuha gikan niini.
RadyoMaN Aimee Guinita
