*Panay, Capiz- Ginareklamo sang mga residente sa Brgy. Agbanban Panay ang gabok nga poste sang Capelco sa amo nga barangay.*
*Panawagan sang mga ini nga sa gilayon mahatagan sang atensiyon sang Capelco ang amo nga problema kag ma-islan sang bag-o nga poste.*
*Base sa ginpadala nga laragway sa Facebook page sang dyVR RMN Roxas, makit-an nga gina-tuktok na ang amo nga poste kag ang kable na lamang sa magtimbang nga bahin ang nagapugong diri agod nga indi matumba.*
*Sang ginpadulongan sang news team ang amo nga lugar, ginsiling ni Kapitan Rodney Altariba sang Brgy. Agbanban nga madugay na nga antes ang SK kag Barangay election gin-report na nila ang nasambitan nga problema sa Capelco kag ginpromisa naman sang mga ini nga matapos ang eleksyon ila nga pagabalikan ang amo nga reklamo.*
*tags:Visayas,Roxas,DYVR,DYVR657,Capiz,Agbanban Panay, Capelco,gabok nga poste*
