Aminado si Provincial Environment and Management Office rSigfreid Flaviano nga nagsaka ang ila nga nakolekta nga hazardous kag toxic waste partikular na sa mga hospital bangud sa epekto sang COVID 19.
Suno kay Flaviano, naglab-ot sa 300 kilos kada semana ang ila sini nakolekta sa mga ospital kag ginapasiguro nya indi maglalapta ang nasambit nga basura bangud may mga inspector sila nga nagamonitor kung ginasunod sang mga hospital ang sakto nga proseso sang mga basura.
Samtang ang mga basura nga makolekta sa ospital ilabi na sa COVID hospital sa Surallah ang ginaagi naman sa treatment kag ibutang sa special cell, pero bangud puno na ang special cell suno kay Flaviano naghingyo sila sa DENR-EMB nga temporary anay ini nga ihaboy sa sanitary landfill apang treated na sandig naman sa guidelines sang National Government.
