Davao City – Nakadawat na og death threats tungod sa land dispute ang gipusil patay nga babayi sa Purok 4-B, Barangay Malagos, Davao City niadtong Sabado, March 26, 2022.
Sa interbyu sa DXDC RMN Davao kang Police Major Ma. Teresita Gaspan, Davao City Police Office Spokesperson lakip sa mga giinbestigahan karon ang pending CONCUBINAGE case ug bangi sa yuta nga gikalambigitan sa biktima nga si VANESSA PEÑAFORT ONDE, 38 anyos, taga-Purok 4-B, Barangay Malagos, Baguio District, Davao City.
Igo ra nga nagpalit og sigarilyo sa tindahan ang biktima sa dihang gipusil sa suspect tumong sa nawong nga miresult sa iyang hinanaling kamatayon.
Nagsuot og blue sweat shirt, black half-face helmet ug nagsakay sa itom nga motorsiklo ang mamumuno. Narekober sa crime scene ang basiyo sa .45 kalibreng pistola, piso ug lighter.
Anaa na kini karon sa Davao City Forensic Unit sa mas gipalawmang inbestigasyon.
RadyoMaN Aimee Guinita
Facebook Comments
