Nagpahimangno karon ang Provincial Environment and Natural Resources kon PENRO-Bukidnon sa mga magpapili sa Barangay ug Sangguniang Kabataan kon SK eleksiyon nga dili basta mupatapot ug campaign materials sa mga punuan sa kahoy.
Sa interview sa RMN Malaybalay ngadto kang PENR Officer Vergilino Alima, gibutyag ninii nga nahimo nang standard operate procedure sa ilang buhatan nga bantayan ang mga kabarangayan batok sa mga illegal nga pagpapilit ug mga posters sa mga kandidato.
Gipahinumdom ni Alima nga bawal gayod ang paglansang sa mga kahoy gani aduna nay balaod niini hinungdan nga ila kining gitutukan aron dili mangadaut sa mga kahoy ilabina ang mga anaa daplin sa kadalanan.
Gihangyo usab sa PENRO ang mga kandidato nga dili gayod maglansang ug mga poster sa mga punoan sa kahoy.
