Pagadian City – Mokabat sa 12,000 ka pesos ang nadala sa mga tulisan human gitulis ang usa ka pension house nga nahimutang sa F.S. Pajares Street, Brgy. San Jose ning syudad sa Pagadian.
Tulo ka armadong lalaki ang kalit nga nisulod sa Executive Travelers Pension House alas 11:50 sa gabii og mideklara nga tulis.
Wala na makalugnot sa security guard nga si FE CABAHUG TUDTUD, 47 -anyos, taga-Poblacion, Aurora, Zamboanga del Sur dihang largong giti-onan sa mga suspek samtang laing suspek ang nisita sa cashier nga HONELIE ENRICOSO OBELDA, lumulupyo sa Nazareth 3, Buenavista, Pagadian City.
Nabiking sa mga tulisan ang usa ka unit sa 38 caliber nga gikan sa security guard ug duha ka cellphone,
Human sa nalimas ang mga gamit daling nisibat ang mga suspek paingon sa wala matino nga lugar.
Naglusad na sa imbestigayon ug follow up operation ang kapulisan ning syudad to alang sa pag-ila ug pagdakop sa mga suspek.
