Pension sa mga Senior Citizen sa Gensan posibleng mahatag na sunod semana

26

General Santos City- Posibleng mahatag na sa sunod semana ang pension alang sa mga Senior Citizens sa dakbayan sa Gensan. Nasayan, unang gibutyag sa labaw sa asosasyon sa mga Senior Citizen sa Gensan nga si Celso Mendoza nga niadto pa untang Setyembre 4, irelease ang social pension sa mga Senior Citizen sa syudad, apan sumala gi-postpone kini human gideklara nga aduna nay local transmission sa Covid-19 sa syudad.

Kini aron nga malikayan nga mataptan sa makamatay nga sakit ang mga katigulangan sa syudad. Dugang pagbutyag ni Mendoza nga ilang gilauman nga sunod semana, mahatag na gyud ngadto sa mga Senior Citizen ang ilang Social Pension. Giklaro usab niini nga matag Barangay ang pagrelease ngadto sa mga myembro, aron nga matuman ang social distancing ug uban pang mga protocol nga ginapatuman sa gobyerno aron nga malikayan ang pagkatag pa sa virus.

Dugang pagpaklaro ni Mendoza apil sa i-release nga social pension kadtong wala pa mahatag nidtong 2018 ug 2019. Samtang laing schedule ang ipatuman alang sa releasing sa social pension sa mga senior Citizen alang sa uwahing kwarter karong tuiga. Dugang sa opisyal nga matag-karon ug unya ila man nga ginapahibalo ang ilang mga miyembro bahin sa schedule sa release sa ilang binipisyo.

Facebook Comments