Mokabat sa 10,000 ka mga punuan sa marijuana ang gipang-ibot sa hiniusang pwersa sa Tampakan PNP, South Cotabato PNP ug Police Regional Office 12 sa Sitio Alyong Brgy. Danlag, Tampakan, South Cotabato , niadtong nakalabayng adlaw.
Nadiskubrihan ang maong mga punuan sa marijuana samtang nagpahigayon ug Internal Security Operations kon ISO ang mga otoridad sa maong lugar. Matud pa nagkantidad ug kapin sa P400, 000 ang mga naibot nga marijuana.
Gumikan sa gidaghanon niini, gisunog na lamang kini sa maong lugar samtang uban niini ang gibitbit sa otoridad aron himuong ceremonial burning sa Tampakan Municipal Grounds. Sa karon nagpadayon pa ang imbestigasyon sa kapulisan kung si kinsa ang ang utok sa pagpananom sa maong mga marijuana.
Facebook Comments
