Malaybalay City Bukidnon – Aduna na matud pay dako nga kausaban ang performance sa mga empleyado sa gobyerno ning panahona kung ikumpara sa nakalabay nga katuigan.
Sa interview sa RMN Malaybalay ngadto kang Director Lourdes Pelaez, sa Civil Service COmission kon CSC Bukidnon gibutyag niini nga nasinatian na sa publiko ang paglambo sa serbisyo karon sa gobyerno kung itandi kaniadto.
Matud ni Pelaez nga kaniadto matud pa dili maayo ang impresyon sa katawhan sa mga trabahante sa gobyerno tungod sa dili maayo nga serbisyo diin panglantaw sa kadaghan nga kini mga kurap ug tapulan.
Sigun sa director nga ang paglambo sa serbisyo karon sa panggagamhanan wala nabalhin tungod sa kanunay nga pagpagarpar sa radio kon dili ang katawhan na mismo ang nakasinati.
Gipahayag niini nga adunay ebidensiya ang CSC niini tungod kay sila mismo ang nagpahigayon sa ARTA Evaluation.
Nasayran nga gisaulog ning bulana sa Setyembre ang Philippine Civil Service Anniversary.
