Ginahulat pa nila tubtob subong suno kay Dr. Rogelio Aturdido Jr. Provincial Health Officer sang South Cotabato ang permit to occupy nga ginaproseso sang contructor sang 3-storey building sang Provincial Hospital amo nga tubtob subong wala pa nagamit matapos nga ginturn-over na ini sang Disyembre sang nagligad nga tuig.
Magluwas sini ginpaliwat pa nila suno kay Dr. Atrudido ang hagdan sang 3-storey building tungod indi pare-pareho ang kataason sang lintang sini amo nga delikado para sa mga pasyenti sang balay bululngan.
May-angot sini, dismayado siya suno kay Aturdido nga asta sa subong wala pa nagamit ang nasambit nga building nga makabulig kuntani sa pagresolber sang kagutok sa ospital.
Samtang sa ila nga pagsinapol sang contructor upod na ang pamunuan sang Department of Public Works and Highways ginhingyo niya suno kay Dr. Aturdido nga i-supervise gid ang construction sang balay bululngan tungod sila man sa gihapon ang contructor sa P35 million nga building sa Upper Valley Community Hospital agud nga indi madelatar ang implementasyon sang proyekto.
