Ang kapulisan sa lungsod sa Roxas ning probinsya mihimo ug follow-up investigation didto sa may brgy. Moliton sakop sa maong lungsod. May kalabot sa gikaingong nawala nga indibidwal nga si Marvin Ondog Ago, hingkod ang pangidaron.
Sa paghidangat sa mga sakop sa tinugyanan sa balaod sa maong lugar gi turn over ni konsehal Julito Tubang Bulat-ag ang person of interest nga si Joel Sumambod Bag-ot, 31 anyos, residente sa Sitio Bentonong, kinsa boluntaryo nga mitahan dala sa sundang nga 18 pulgada lakip ang sakuban niini.
Butyag pa sa person of interest nga si Joel niadtong Marso 14, 2018, 11:45PM kapin kun kulang pugsanon nga misulod matod pa ang biktima sa iyang panimalay agi sa bintana. Sa dihang anaa na kini sa sulod sa maong panimalay mi halog kini sa humabdos nga nga babaye.
Hinungdan nga wala naka pugong si Joel midunggab kini sa biktima ug maayong pagka igo sa tiyan nga miresulta sa wala damhang kamatayon ug wala pa kini na kontento iya pa kining gi punggutan sa ulo ug ge lubong ang lawas niini.
Narekober sa mga pulis ang lawas sa biktima 100 metros ang gilay-on gikan sa panimalay sa person of interest gilubong kini mga 2metros ang gilawmon.
Kasamtangan karong tanggong ang person of interest nga si Joel Bag-ot sa Roxas MPS alang sa dugang imbistigasyon para mas mapalig-on pa ang kasong ipasaka ngadto kaniya.
