Davao City – Aduna nay person of interest nga gitutokan karon ang Bajada Police Station sa pagpusil patay sa ex-army nga si Gerardo Sardan Katigbak alias “Titing”, nahitabo niadtong alas 9:30 sa gabii Mayo 17, 2023 sa Lakandula St.,Cor.,Jerome Extension, Brgy. R Castillo, Agdao ning syudad sa Davao.
Sa interbyu sa DXDC RMN Davao kang Police Major Antonio Luy, Station Commander sa Bajada Police Station gisulti niya nga daghang anggulo ang gilantaw karon sa mga awtoridad sa nagpadayong imbestigasyon.
Segun ni Luy, gikatakdang karon semanaha makig-isturya og balik ang pamilya sa biktima ngadto sa mga pulis ug sa pagkakaron ila pa unang ipahiluna ang biktima ug ilubong karong adlaw’ng Biyernes, Mayo 26,2023.
Kahinumduman, gipusil sa tulo higayon ang biktima sa wa mailhing suspek nga nakasuot og helmet sulod sa sari-sari store niini diin adunay upat ka suspek nga nagsakay sa duha ka single nga motorsiklo. Narekober sa crime scene ang tulo (3) ka basiyo sa bala sa .45 caliber pistol.
RadyoMaN Don Pulayao
Facebook Comments
