Persona arestao na Saturation Drive

6

Un 29-año persona quien ta carga shabu ya puede aresta el maga pulis durante el que se llama saturation drive na Arena Blanco del Biernes.

Na report del pulis,alas 12 del medio dia el combinao operativas del estacion de Divisoria, Tetuan, Sta. Maria, Ayala, Station 11 ta encabesa si Chief Insp. Elmer Solon junto con el City Mobile Force Company na liderato di Supt. Rolando Barraquio y Task Force Zamboanga ya apunta na mencionao lugar con el objeto para hace apas con el maga criminal.

Durante el operacion, el maga otoridad ya colmumbra con el un persona nombrao como si Alsy Amdad y Sali alias Kulot, quien ta actua suspechoso na calsada.

Dayun el maga otoridad ya checquia conele y ya puede descobri ta carga le 3 paquete de shabu.

Con Amdad ya detene na Tetuan Police Station pendiente el plantada del caso na corte.

Facebook Comments