Sigma, Capiz- Arestado ang isa ka persona nga nagdala sang pusil sa sulod sang binaylehan sa Brgy Malapad Cogon, Sigma, Capiz alas 8:25 sang gab-i.
Ginkilala ang suspek kay Nilo Decain y Dequiña sang Brgy. Capagao, Panit-an, Capiz kun sa diin narekober sa posisyon sini ang isa ka unit sang .38 caliber revolver lakip ang tatlo ka mga bala.
Suno sa impormasyon, nakit-an sang barangay tanod nga si Jenel Dice nga nagabukol ang pulo sang pusil nga dala sini kabangdanan nga ginharang ang suspek kag ginkumpiskar ang pusil.
Pasakaan sang nagakaigo nga kaso si Nilo Decain partikular ang paglapas sa RA 10591 ukon Firearms and Explosive Regulations Act.
Facebook Comments
