Persona nga may deperensya sa paminsaron nga nag-atake sa pulis, pilason matapos naluthangan!

Dumarao, Capiz – Naluthangan sang isa ka pulis sang Dumarao PNP ang isa ka persona nga ginapahayag may deperensya sa paminsaron.

Natabo ang insidente mga alas 6:20 sang aga sa public market sang Dumarao kun sa diin nagapatigayon sang ocular inspection si Police Master Sargeant Jayson Arcangeles sang ini ang ginbunggoan kag ginsumbag sang persona nga ginkilala kay Joemar Hadcan y Lisbo, 48- anyos ang pang-edaron.

Nagdumogay ang mga ini nga ginsundan sang paglampos sang baso sang biktima sa ulo sang pulis. Bangud sa pagdepensa sa kaugalingon, naggabot ni Arcangeles sang service firearm kag niluthang ang biktima.
Sa subong yara na ginabulong sa Western Visayas Medical Center sa syudad sang Iloilo ang nasambitan nga biktima nga nag-angkon sang pilas sa natuo nga porsyon sang kamot.


Facebook Comments