Persona nga nadula sang isa ka bulan, nasapwan nga isa na ka tul-an sa banwa sang Panit-an

451

Panit-an, Capiz – padayon pa nga ginapadalman kag ginapasangkad sang Panitan PNP ang ila imbestigasyon agud matumod ang kabangdanan sang kamatayon ni Jade Ressian Bacli, 21 anyos sang Barangay Ibaca, President Roxas, Capiz.
Ginahibalo man sang mga kapulisan ang mga persona nga responsible sa pagpatay sa nasambit nga biktima. Nasapwan nga isa na lamang ka tul-an ang biktima nga si Jade kahapon sang hapon sa Sitio Bantaaw, Barangay Cogon, Panit-an, Capiz.
Ginpahayag ni PO2 Dale Daliva, imbestigador sang Panit-an PNP, nga nakit-an ang tul-an sang biktima matapos magpadulong sa talamnan sang tubo si Wilson Dillera agud nga magpamuhin. Nakibot ini sang makita ang tul-an sang tawo kag pila ka mga kagamitan.
Suno diri nga ang tul-an ang may panapot nga tshirt nga nagaduag sang itom, shorts nga nagduag sang puti, paha nga pink kag tsinelas nga puti. Nasapwan man ang pila sa mga kagamitan nga posible ginapanag-iyahan sang biktima kun sa diin ginalakipan ini sang cellphone, singsing, relo kag isa ka utod nga kutsilyo.
Ginkilala naman sang iya pamilya ang biktima pinaagi sa mga panapot nga ginasuksok sini. Nangin missing si Jade Ressian Bacli sa sulod sang isa ka bulan humalin pa sang nagligad nga Hulyo 1, 2017.

Virus-free. www.avast.com <#DAB4FAD8-2DD7-40BB-A1B8-4E2AA1F9FDF2>

Facebook Comments