Roxas City, Capiz – Arestado ang 56-anyos nga persona sa ginkasa nga drug buy bust operation sang mga katapo sang Provincial Drug Enforcement Unit(PDEU) sang Capiz PPO sa Sitio Rizal, Brgy VI, Roxas City. Nakilala ang subject person kay Cyrel Tomasa y De los Reyes, residente sang Brgy Adlawan, Roxas City kun sa diin nakuha sa iya ang 20 tanan ka sachet sang suspected shabu, 1000 pesos nga buy bust money, cellphone kag cash nga 400 pesos. Sa interview kay Lt Mark Anthony Garcia nga amo ang hepe sang PDEU, madugay na nila nga ginpaidalom sa surveillance ang aktibidad sang suspek antes nga ginpaidalom sa operasyon. Nahibaluan nga makaduha na ka beses nga nadakpan bangud sa druga ang amo nga persona apang ini ang nakaguha sa presohan matapos nga mag-avail sang plea bargaining agreement. Pasakaan sang kaso nga paglapas sa RA 9165 ukon Comprehensive Dangerous Drugs Act of 2002 ang nasambitan nga persona.
