PERSONAL GID DAPAT | Special power of attorney para sa pagparenew sang prangkisa sang traysikol, wala ginabaton sang TFRU!

25

Roxas City, Capiz – Liwat nga ginpanindogan sang Tricycle Franchising and Regulatory Unit(TFRU) nga indi sila magbaton sang SPA ukon Special Power of Attorney sa mga persona nga maga-parenew sang prangkisa sang traysikol nga nagabyahe sa Roxas City.
Suno kay TFRU head Mr Ed Andrade, duha na ka kasubong nga kaso ang na-encounter sang ila talatapan kun sa diin lain nga persona ang nagpadulong sa ila. Hugot sini nga ginsiling nga indi gid mahimo nga makapatigayon sang transaksyon ang mga ini kag dapat ang tag-iya gid sang amo nga traysikol ang magaproseso.

Ginpunto ni Andrade nga katuyoan sang nasambitan nga pagsulondan nga mamonitor sang TFRU ang nagaluntad nga baligyaanay sang mga prangkisa sang traysikol.
Base sa pinakaulihi nga rekord sang TFRU, may yara na sang 333 ang mga nakaparenew sang ila nga prangkisa sa traysikol.

Facebook Comments