Sa pakighinabi sa DXDC RMN Davao kang Police Executive Master Sergeant Lucio Camasora, ang duty investigator sa kaso, gibutyag niya nga bandang alas 6 sa gabii samtang nanihapon ang biktima sa ilahang balkon, kalit lamang nibutho ang duha ka mga wala mailhing suspects sakay sa ilang motor ug gipusil si Toralba bag-o nisibat sa wala matinong direksyon.
“Nagkaon ni siya kay ang iyahang balay at the same time naay tindahan, naay sari-sari store ba. Nagtalikod siya sa iyahang sari-sari store unya ang iyahang balay kay dikit lang kaayo sa kalsada. Karon naay nihunong nga motor nga tungod gyud, iyaha pang gitawag ang iyahang kaipon kay basin daw mamalit sa tindahan. Ninaog man tong gunman, siya na dayon ang target, siya na ang gipusil,” matud ni Camasora.
Sumala sa live-in partner nga bag-o ang krimen, wala’y hulga nga nadawat ang biktima samtang nanarbaho isip miyembro sa Military Intelligence Board (MIB) sa Philippine Army.
RadyoMaN Ivy Parido
