General Santos City–Personal grudge ang ginasundan nga motibo sa Police Station 4 kabahin sa pagpamusil patay sa usa ka Aljer Sumondong, legal age usa ka matadero ug nanimuyo sa Purok 9, Paradise Subdivision, Barangay Mabuhay, ning syudad ug pagka-angol sa higala niini nga si Banay Allano usa usab ka matadero nga nanimuyo sa barangay San Isidro, alas 12:15 ang takna sa tungang gabie naidtong nakalabayng adlaw.
Sumala ni Police Captain Davis Dulawan ang hepe sa Police Station 4 nga basi sa ilang imbistigasyon, daghan ug kalaban sa ilang lugar ang biktima nga si sumondong tungod usab sa batasan niini.
Dugang pa ni captain dulawan nga kanhi naman usab nila nga nasikop ang nasangpit tungod sa kasong grave threat ug direct assault niadtong milabay nga tuig apan naka gawas human nga naka pyansa.
Gikumperma usab ni Captian Dulawan nga aduna na silay person of interest sa pagpatay sa biktima. (Dave Silagan)
