Digos City – Personal nga bangi ang gilantaw nga motibo sa pagpanunggab, nahitabo sa Purok Centinel, Brgy. Zone 1, Digos City, Davao del Sur pasado alas 10:00 sa gabii niadtong Huwebes (September 10, 2020).
Sa interbyu sa DXDC RMN Davao kang Police Staff Sergeant Ian Paul Arais, Digos PNP Desk Officer, giila niini ang suspek nga si Ian Antipala, 37 anyos, residente sa maong lugar ug suspek nga si Albert Perez, hingkud ang pangidaron, fish vendor ug nagpuyo usab sa maong dapit.
Matud sa desk officer, nakasohan na kagahapong adlawa (September 11, 2020) si Perez diin nakuhaan usab kini og usa (1) sachet sa shabu sa iyang posisyon.
“Frustrated Homicide ug R.A. 9165 (ang kaso sa suspek). (Ang biktima), kritikal pa, naa pa sa ospital,” butyag sa desk officer.
Samtang kritikal karon ang biktima nga anaa sa Southern Philippines Medical Center (SPMC).
RadyoMaN Kirby Manzon
