General Santos City—migula sa imbistigasyon sa Police Station 5 nga personal grudge ug away sa duha ka grupo ang motibo sa pagpanunggab patay sa biktimang si Abdul Racman Alaiden, 33 anyos, nga taga Purok Maguindanao, Barangay Labangal ning syudad, kansa una nang gidunggab patay sa may Fil-Am Road, sakop sa area of responsibility sa Police Station 5 ala 1:30 sa kaadlawon.
Nasayran nga si Alaiden, lambigit usab sa away sa duha ka grupo sa mga kabatan-onan sa maong lugar.
Dugang pagbutyag sa kapulisan nga ayha nahitabo ang pagpanunggab, adunay nahitabong rambol tali sa grupo sa biktima ug sa kalabang grupo.
Nanagan ang mga kaubanan niini samtang ang biktima gigukod sa mga suspek ug didto na gidunggab patay.Sa karon duna nay suspek ang kapulisan sa krimen ug duna na usay testigo silang gihuptan bahin sa insidenti.
