General Santos City–Personal grudge ang motibog ginasundan karon sa Police Station 4 bahin sa pagpamusil patay sa mag-amahan nga silang John Jay Angin, 33 anyos ug amahan niini nga si Anthony Angin, 59 anyos, parehong nanimuyo sa Purok Sta. Therisita Brgy. San Isidro ning syudad alas 5:00 ang takna sa hapon.
Samtang posible usab nga ang anak nga si John Jay ang target sa mga suspect apan nadamay lang ang amahan human nga gigakos niya ang iyang anak dihang gipabuthan na sa mga suspect.
Sumala pa niini nga sa karon nagapangalap pa sila ug ebidensya aron nga matumbok gayud ang ugat hinungdan sa maong pagpamusil kung asa ginaila pa usab nila ang mga suspect.
Kung kahinumduman nga naga lingkod lang ang mga biktima sa ilahang manokan aron mag pakaon ug manok sa dihang kalit lang mi abot ang 4 ka mga lalaki nga naka sakay ug duha ka motr dayun pusil sa biktima.
Hustisya usab ang singit karon sa asawa sa biktima nga si John Jay nga si Cory Angin sa nahitabo sa iyang bana ug iyahang ugangan human nga gipusil matud pa sila sa mga suspect.
Sumala pa niini nga wala sila nasayud kung unsa ang sala sa iyahang asawa nganong gipusil sa wala mailhing suspect samtang gikumperma man usab niini nga ayha napusilan ang iyahang bana nakahisgot matud pa kini sa usa sa iyahang mga higala nga aduna kini nadawat nga bahad gikan sa usa ka penireso pinaagi sa chat.(Dave Silagan)
