General Santos City— Personal grudge, trabaho ug transaksyon sa yuta ang ginatan-aw sa kapulisan nga posibleng motibo sa pagpusil-patay kang brgy. Baluntay, Alabel Kapitan Jonalyn Sumagka.
Sumala kang Police Chief Inspector Peter Pinalgan Jr., hepe sa Police Station 3 nga sa karon, aduna na silay ginatutukan sa posibleng persons of interest. Apan nagdumili una kini sa pagbutyag sa ilahang pangalan gumikan nagapadayon pa ang ilahang imbestigayson.
Dugang pamahayag ni PCI Pinalgan nga sa inisyal nilang imbestigayson, nagtindog lang sa may balutan sa Brgy. Balauan ang kapitan dihang kalit kining giduulan sa wala mailhing suspek dayon gispusil.
Nakaangkon ug ubay-ubay nga igo pinusilan sa managlahing parte sa iyahang lawas ang si kapitan sumagka ug nadala pa kini sa balay tambalanan apan gibakwian gihapon sa iyahang kinabuhi. Samtang anaa na sa stable nga kondisyon ang kubanan ni kapitan nga si Jhonny Kinjiyo nga lakip nga napusilan.
