South Cotabato–Personal grudge karun ang ginasundan nga motibo sa Tantangan PNP sa kamatayon sa biktimang mag-uuma nga si Ariel Malayon nga taga Brgy. Lampitak , Tampakan Sot.Cot. kansa una nang nakaplagan nga walay nay kinabuhi sa bagong silang , Brgy. Tinongcop, Tantangan South Cotabato Niadtong milabay nga adlaw.
Sumala pa ni Police Captain Romeo Albano Jr. ang hepe sa Tantangan MPS nga posibleng nag-away ang biktima ug ang gikaingong ka txt mate sa nasampit niadtong higayona nga sumala pa dunay dili gusto ang duha ka suspek ngadto na sa biktima hinungdan nga nasuko kini nga miresulta sa kamatayon ni Malayon.
Saysay usab sa opisyal nga duna na silay persons of interest sa panghitabo ug nailhan na usab ang mga pangalan niini ug gipaklaro ni albano nga mga langyaw lamang sa lugar ang mga suspek.
Sa kasamtangan giandam na sa kapulisan ang kasong murder batok sa duha ka mga suspetsado ug gikatakdang ipasang-at kini human nga malubong sa pamilya ang patay’ng lawas sa biktima.
