General Santos City–Personal grudge ang agina tan-aw nga motibo sa Police Station 4 kabahin na sa ulahing pag pamusil sa wala mailhing suspect sa biktima nga si Elton John Pesito, 25 anyos nga nanimuyo sa Upper Matibay, Barangay San Isidro ning syudad.
Kahibaloan nga alas 7:20 ang takna sa gabie, gisulod sa suspek ang biktima sa panimalay niini og didto na kini gipusil maoy hinungdan sa iyang kamatayon.
Sumala pa ni Police Major Alex Lanestosa, Hepe sa Police Station 4 nga sa karon padayon pa silang naga pahigayon ug makuti nga imbistigasyon aron nga ma tumbok ang mga suspect sa maong pag pamusil sa biktima.
Dugang pa niini nga sa karon aduna naman usab silay ginasundan nga person of interest sa maong krimen ug padayong gina-imbistigahan kung kinsa ang ulahing naka-bikil sa biktima.
Wala usab gitangal sa PS4 ang posibilidad nga kini mistaken identity lang human nga adunay ginapangita ang mga suspect nga usa ka nagpangalang Boyet ayha gipusil ang nahisgutang biktima.
Gikabutyag usab ni Major Lanestosa nga walay criminal record ang nahisgutang biktima sa ilahang estasyon ug wala usab kini nalambigirt sa unsa mang sa iligal nga binuhatan.(Jordan Britos)
