General Santos City–Personal grudge ang ginatan-aw nga motibo sa kapulisan nga sakop sa Police Station 4 human sa pagpusil-patay sa usa ka Romeo Arias, 46 anyos nga residente sa Botanic Compound, Brgy, City Heights.
Sumala kang Police Chief Inspector Joel Martinez, Hepe sa Police Station 4 nga basi sa pamahayag sa kaipon sa biktima, kanhi na kining na-priso sa South Cotabato Provincial Jail gumikan sa kasong Theft.
Kung asa tuig 2007 kini nakagawas pinaagi sa parol ug dayon mibalhin na dinhi sa dakbayan sa Gensan.
Dugang pamahayag ni Martinez nga wala sa ilahang listahan sa mga isurender ang biktima ug wala man usab kini sa ilahang drug watchlist.
Base matud pa sa pamahayag sa kaipon, wala siya’y nasayran nga nakalaban sa biktima o mga bahad ayha kini gipusil gawas nalang sa kanhi niining kaso.
Sa karon, blangko pa usab sila sa posibleng ilhanan sa suspek nga mipusil sa biktima.
