Davao City – Gisulod mismo sa iyang panimalay og gipaulanan og bala ang usa ka staff sa City Legal Office sa wala pa mailhing mamuno didto sa Blk. 6 Lot 5 Lyn Village, Brgy. Mankilam, Tagum City, Davao del Norte.
Giila ang biktima nga si Miguel Gumapac Madrigal, 59 anyos.
Sa interbyu sa RMN Davao kang Senior Insp. Anjanette Tirador, spokesperson sa the Tagum City police station nga personal nga bangi ang gilantaw nga motibo sa pagpatay sa biktima.
Pasado alas 8:00 sa buntag kaganiha samtang paadto na unta ang biktima sa iyang trabahuan kalit nalamang kining gipusil sa makadaghang higayon hinungdan sa iyang kamatayon.
Narekober sa crime scene ang lima ka cartridge case ug usa ka fire bullet nga gituohang gikan sa 9mm nga pusil.
Sumala ni Tirador padayon ang ilang gihimong imbestigasyon karon aron masikop ang nipatay kang Madrigal.
RadyoMaN Aimee Guinita
