Roxas City, Capiz- Labi pa nga nadugangan ang mga ginakabig nga persons under monitoring (PUMs) sa coronavirus disease sa rehiyon sais.
Base sa datos sang Department of Health Western Visayas Center for Health Development, nagalab-ot sa 3, 673 ang mga PUMs sa rehiyon kun sa diin 1137 diri ang halin sa probinsya sang Aklan; 1042 halin sa probinsya sang Iloilo Province; 554 halin sa probinsya sang Negros Occidental; 244 halin sa probinsya sang Antique; 230 halin sa syudad sang Iloilo; 103 halin sa probinsya sang Guimaras, 122 halin sa syudad sang Bacolod samtang may 237 naman nga persons under monitoring sa probinsya sang Capiz.
Hugot naman ang panugyan sang DOH-6 sa nasambitan nga mga persona nga strikto nga i-obserbar ang self ukon home quarantine sa sulod sang 14 ka adlaw.
