Magaumpisa na sa pagbaton sa Mayo 28 tubtob 31 subong nga tuig sang mga aplikante ang provincial government sang South Cotabato paagi sa Public Employment Service Unit (PESU) para sa year-round Summer Program for Employment of Students (SPES) sini.
Suno kay PESU Manager Flora Cavan bukas naman ang aplikasyon para sa mga college students kag mga out of school youth.
Sa mga college students, magdala lamang suno pa sang enrollment forms kag class schedule sa 1st semester sang CY 2019-2020. Kinahanglan may – yara ang mga ini sang 4 ka oras nga bakante. Mahimo man mag-apply dire ang mga estudyante nga sa Agosto pa maga-umpisa ang klase.
Samtang sarang man nga mag-apply sa nasambit nga programa ang mga out of school youth nga luyag mag- enroll sa 2nd semester sang tuig.
Lakip sa mga requirements nga kinahanglan isubmiter amo ang Photocopy sang Birth Certificate; Photocopy sa Income Tax Return (ITR) sang parents ukon Tax Exemption Certificate halin sa BIR ukon Certificate of Indigence; isa ka Passpost size picture; Photocopy sang Class Schedule sa 1st semester SY 2019-2020 kag Photocopy of grades of last school year attended sa mga out of school youth.
May-angot sini, ginapahanumdom ni Maam Cavan nga ang mga aplikante lamang nga may kumpleto nga requirements ang pagahatagan sang application forms tungod insigida na ang mga ini nga ipaidalom sa interview.
Ginpahayag man sini nga ang sistema nila sa subong nga ipatuman amo nga magahatag sila sang unlimited forms agud malikawan ang pagginutok sa pagkuha pa lang sang SPES application forms.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
