Magaumpisa sa Enero 28 subong nga tuig ang pagbaton sang aplikasyon sang Philippine Employment Service Unit sang South Cotabato para sa Special Program for the Employment of Students ukon SPES.
Sa Enero 28 ang distribution sang SPES application form kag pagpaidalom sa interview sa mga aplikante ang para sa banwa sang Polomolok, Enero 29 Tupi, Enero 30 Tampakan kag Enero 31 Tantangan nga ipatigayon sa bahin sang PESU Office sa Provincial Capitol.
Samtang sa Pebrero 4 para sa mga taga-Lake Sebu ipatigayon ang distribution sang application form sa Lake Sebu Municipal Gym, sa Pebrero 5 T`boli sa PESO Office sang banwa, Pebrero 6 Norala sa Old SB Session Hall sang Norala, Pebrero 7 Sto. Niño, Pebrero 11 Surallah, Pebrero 12 Banga kag Pebrero 13 para sa taga-Koronadal nga ipatigayon naman ang distribution kag interview sa PESU South Cotabato.
Samtang sa mga interesado nga aplikante dapat magdala sang masunod nga dokumento sa natalana nga schedule, Photocopy sang Birth Certificate, latest Income Tax Return (ITR) of parents ukon BIR Certification ang parents/guardians ang exempted sa tax ukon Certificate of Low Income halin sa Barangay, proof of average passing grade kapareho sang class card ukonForm 138 sang nagligad nga semester, Original copy sang Certification sang School kag iban pa.
Para naman sa mga Out of School Youth (OSY), original copy of Certification bilang OSY nga gin-isyu sang DSWD/CSWD ukon authorized Barangay Official kag 2×2 ID picture .
May-angot sini, suno kay PESU Officer Flora Cavan indi na nila limitahan ang paghatag sang application form agud malikawan ang tuman pa kaaga nga pagpila sang mga SPES applicants kag ginaawhag ang mga aplikante nga magkadto sa schedule date sang banwa/syudad kag kumpletuhon gid ang mga requirements.
Nagalab-ot naman sa 650 ka mga SPES beneficiaries ang kuhaon para sa summer nga target sila nga magaumpisa sa una nga semana sang Abril subong nga tuig.
