Gi-anunsiyo sa kagamhanang probinsyal sa Bukidnon nga sugod oktubre 1, 2019, temporaryong i-suspende o ipahunong ang bisan unsang medical assistance o tabang medikal sa mga kaigsuonan natong pasyente nga nagagikan sa mga pribadong hospital o klinika.
Sa interview sa RMN Malaybalay ngadto kang Hansel Echavez ang administrative head sa Public Affair and Information Assistance gibutyag niini nga nakita og na obserbahan nga adunay pag pangayo og ayuda-pinansyal sa mga pasyente nga nagagikan sa pampubliko og pribadong hospital, tungod niana, adunay gina himu nga pagtuon aron nga mas mapalig-on pa ang sistema sa pag panghatag-ayuda hilabina sa mga kaigsoonang kabus sa atong probinsya nga gilantaw nga mahatagan og dakong pagtagad og importansya.
Nangayo usab ug despensa si Echavez sa publiko nga apektado niini apan giklaro nga ang mao nga lakang temporaryo lamang.
Ang maong suspensyon sa medikal nga ayuda kini basi sa gipagula nga sangguniang panlalawigan resolusyon numero 2019-280 (26th sp), pinitsahan septembre 10, 2019 “RECOMMENDING TO THE PROVINCIAL GOVERNOR JOSE MA. R. ZUBIRI, JR., FOR A TEMPORARY SUSPENSION OF ANY MEDICAL ASSISTANCE FOR PATIENTS FROM PRIVATE HOSPITALS OR CLINICS, EFFECTIVE OCTOBER 1, 2019 UNTIL FURTHER NOTICE FROM THE OFFICE OF THE PROVINCIAL GOVERNOR.”
