PH 85-Man team ipadala sa quake-hit areas sa Turkey

Davao City – Dako ang pagpasalamat sa usa ka Pinay sa Turkey sa hinanaling aksyon sa Philippine government pagtabang sa mga lugar nga apektado sa magnitude 7.8 nga linog sa Turkey, diin kapin 5,000 na ang na-report nga casualties ug lapad ang natalang damyos.

Sa interbyu sa DXDC RMN Davao kang Meral Demirezen, Pinay-Turkish nga residente sa Antalya, Turkey, dako ang kalipay niini sa dihang gimando ni Presidente Ferdinand “Bongbong” Marcos Jr. ang pagpadala og 85 ka personahe alang sa search ug humanitarian mission sa ilang lugar.

“I am happy for the help because I know Filipino people is mahilig na mag-help. Kababayan, syempre. Country ko din dito (ang Turkey). Philippines din. So, nakita ko yung help nila. Makita ko someone here. So I’m just happy. Sobrang happy ako,” sulti ni Demirezen.

Matud sa Pinay-Turkish, labing gikinahanglan sa mga apektadong residente mao ang winter clothing, habol ug uban pang gamit ilabi na kadtong nawad-an gayud og mga pinuy-anan.

Karong adlawa, Pebrero 8, 2023 mugikan padulong Turkey ang 85-man team sa Pilipinas diin dala usab nila ang uban pang pwede matunol sa apektadong residente.

“We have organized a group of about 85 personnel together with some goods… Ang hinahanap sa atin ay mga blanket, mga winter clothing dahil siyempre ‘yung mga nasiraan ng bahay sa Turkey ay wala na silang matirahan. They’re exposed so they need all of these things,” sulti sa pamuno nasud.

RadyoMaN Kirby Manzon