Sumala ni Angel Sumagaysay, PSSCO chief nakaarangkada na sila sa unang hugna nga security meeting uban ang kapulisan sa Davao City, Carmen, Panabo ug Tagum.
Gipangandaman na usab kung pila ka mga personahe ang ipang-deploy sa ruta sa Ironman.
Gibutyag ni Sumagaysay, dakong hagit sa prestihiyusong lumba ang kondisyon sa dalan gikan sa Davao padulong og Davao del Norte busa ang Department of Public Works and Highways XI ug City Engineers Office ang gitahasan para sa pagayo sa mga dalan aron dili kini mamahimong hinungdan sa aksidente.
Nagpahimangno si Sumagaysay sa mga partisipante nga siguruhon gayod nga wala silay health issues aron dili makompromiso atol sa triathlon.
Nagtoo si Sumagaysay nga adunay hugot usab nga screening ang mga organizers sa mga atletang musalmot sa Ironman.
RadyoMaN Aimee Guinita
