PH Embassy sa Pakistan, pansamantalang magsasara bukas sa harap ng security situation sa Islamabad

Nag-abiso ang Philippine Embassy sa Pakistan na pansamantala silang magsasara bukas, April 10.

Sa harap ito ng sitwasyong pangseguridad sa Islamabad.

Sa kabila nito, nagtalaga ng skeleton staff ang embahada para sa essential administrative functions.

Gayunman, pansamantalang suspendido bukas ang consular services at public-facing transactions.

Pinapayuhan naman ng Philippine Embassy ang publiko na i-monitor official channels ng embahada para sa updates.