Sa interbyu sa DXDC RMN Davao kang Villadarez, gisaysay niini nga kapin usa ka tuig ang iyang pagpangandam sa maong exam, inubanan sa pag-ampo ug saktong pagpahulay ug pagsulod usab niya sa review center alang sa pagpangandam sa licensure exam.
“Wala gyud ko nag-expect na maka-top 1. Akong gina-pray lang gyud kay Lord kay ‘At least, Lord makasulod lang gyud sa top 10, Lord.’ So, gipasobrahan man Niya. Gipasobrahan sa Ginoo gyud,” sulti ni Villadarez.
Matud niya, iyang nahimong inspirasyon ang iyang ginikanan ug pamilya ilabi na nga siya usab ang kinamagulangan sa ilang mag-igsoon.
“Ang akong inspiration of course akoang family because being the eldest son, then I also want to make my parents, my family proud of me. Gusto lang din nako maging better kay nakita man pud nako ug giingon pud sa akong mga kauban nga kaya daw i-top. So, challenge lang for me pud kung kaya ba gyud,” saysay ni Villadarez.
Tambag sa topnotcher sa mga indibidwal ilabi na kadtong mo-take usab og susamang exam nga dili pasagdan ang kaugalingon panahon sa pag-review aron dili maapektohan ang physical ug mental health.
“In the process of studying, in the process of preparing for the board exam, I also suggest na not to be hard on yourself. Also enjoy the process of learning. Also, don’t forget to rest nga dili i-punish ang self,” mensahe niini.
RadyoMaN Kirby Manzon
