Davao City – Dili ma-itsa pwera ang Amerika nunot niining pagkigsuod sa Pilipinas sa China ilawom sa Duterte administration.
Sumala ni Arthur Milan, Davao City Chamber of Commerce and Industry Incorporated (DCCCII) President, kabahin gihapon kini sa diplomatic relations nato sa ubang mga nasod nga wala gihimo kaniadto sa mga nakalabay’ng administration.
Gipasabot ni Milan nga maayo karon ang gihimo sa kagamhanan gumikan nakigrelasyon kini ngadto sa iyang mga silingang nasud.
Matud sa pangulo sa mga magpapatigayon ning syudad, gikinahanglan higalaon ang tanan.
Giklaro usab sa DCCCII President nga gikinahanglang ipatuman ang prinsipyo nga amigo tanan nga dili usab maapektohan ang atong pagka-independiyente nga nasud ug pagdominar sa atong ekonomiya.
RadyoMaN Bernard Pantallon
