General Santos City–Gipaniguro karon ni Philhealth-12, legal officer Jusen Lubaton nga walay mga kwestyonable ug anomalasong transaksyon sa Philhealth Region 12 kini human sa gikalambigitan nga eskandalo sa uban mga Philhealth Offices sa kauluhan.
Sumala pa ni Atty. Lubaton nga sulod matud pa sa 12 ka tuig niining pag trabaho sa maong buhatan wala paman silay nadawat nga reklamo kabahin na sa mga anomalosong transaksyon nga gikalambigitan sa mga ospital ug uban pang health provider company.
Dugang pa niini nga gibawal gayud sa balaud ang mga transaksyon nga sama sa Wellmed Dialysis Center sa kauluhan hinungdan nga siya matud pa isip legal officer sa Philhealth ang magbantay gayud aron nga dili makalusot ang susamang mga binuhatan.
Gikabutyag man usab sa nasangpit nga ugaling adunay makalusot ngadto sa ilahang opisina anaa paman usab ang ilahang central office nga makakita sa tanang transaksyon ug gilayon matud pa kining ipabalu ngadto kanila. (Dave Silagan)
