General Santos City—Samdan ang usa ka Oliver Mudia, 25, residenti sa Purok San Vicente, Barangay Labangal, Gensan human kining gidunggab sa wala pa mailhing suspek ala 1:00 ang takna sa kaadlawon sa didto mismo sa ilang lugar.
Subay sa record sa Dr. Jorge Royeca Hospital nasayran nga nitambong sa birthday party sa iyang amigo ang biktima, ala 1:00 dihang nakadesisyon kining mouli sa ilang panimalay.
Pag-abot sa ngitngit nga lugar, dunay duha matud pa ka lalaki ang nag-atang nang daan kaniya ug way daghang estorya siya giduynggab igo sa iyang likod nga bahin ug sa iyang kamot.
Paspas nga misibat ang mga suspek sa wala sayring lugar samtang ang biktima nangayo ug tabang sa iyang mga kabanay kansa mao usab ang nagdala kaniya sa Dr. Jorge Royeca Hospital.
Sa karon giimbistigahan na sa Police Station 2 ang maong insidenti.
