Philhealth coverage sa Caraga dul-an 3 million na ka tawo
Gipasigarbo sa PHILHEALTH Caraga ang taas nga datus sa mga Caraganon nga napaubos sa National Health Insurance Program sa maong ahensya.
Sa press conference nga gipatawag kagahapon subay sa ika 24 anibersaryo sa PHILHEALTH, gibutyag ni Dr. Hector Zenon Leonardo Malate, acting Regional Vice President sa PHILHEALTH Caraga nga sa ulahing datus anaa sa 108% kon 2,901,688 ka mga katawhan ning rehiyon ang napaubos na sa nasangpit nga programa.
Mas taas kini nga datus sa gitarget nila nga anaa lang sa 2,697,456 nga popolasyon. Gidugang ni Dr. Malate nga nakakolekta na usab ang ilang buhatan ug 887,707,344 kon 89% sa kinatibuk-ang target nga 998,446,000.
Mitaas ug 17% ang koleksyon sa PHILHEALTH sa miaging tuig ikompara sa nakalabyang tuig 2017 nga anaa lamang sa 758,593,000.
Ang tema karon nga kasaulogan mao ang, “PHILHEALTH @24: Tungo saa Kalusugan Para sa Lahat”. [image: news rb.jpg]
