TACLOBAN CITY – Nadakop han operatiba han Tacloban City Police Office (TCPO) City Drug Enforcement Unit an usa nga empleyado han gobyerno nga nagbabaligya hin illegal nga droga ha Kassel Homes Brgy. 71 Naga-Naga Tacloban City.
Basi ha report han Tacloban PNP, ginkilala an suspek nga hi Emeterio Drilon Nierves, 58 anyos, may asawa, PHILHEALTH OFFICER III ngan residente ha nasabi nga lugar.
Sumala han mga otoridad, ginkokonsidera nira nga High Value Target (HVT) an suspek tungod nga government employee ini.
Napalit han nag-ala buyer nga pulis tikang ha suspek an usa (1) nga heat sealed transparent plastic sachet han gin-aaligar shabu nga nagkakantidad hin P500.00. Nakumpiska pa tikang ha suspek an duha (2) pa nga transparent plastic sachet han gin-aaligar shabu.
Ha pagka-yana, paslak na an suspek ha Tacloban PNP Custodial Facility.
