Gisuspendi na sa Philippine Health Insurance Corporation (PhilHealth) ang pagpatuman sa mandato nga dugang kontribusyon sa mga miyembro niini karong tuiga.
Sa interview sa RMN Malaybalay ngadto kang Merlyn YbaƱez, ang regional information officer sa Philhealth – Northern Mindanao gibutyag niini nga nagpagawas ug opisyal nga pahayag si PhilHealth president and CEO Atty. Dante Gierran, subay sa mando ni Pangulong Rodrigo Duterte ang desisyon nila nga ipalabay ang angayan untang 3.5-percent rate sa direct contributors.
Niining Lunes human mi-apila si Duterte sa PhilHealth nga dili unang ipatuman ang scheduled increase sa kontribusyon.
Sa ilawom sa UHC Law, madugangan sa 0.5-percent ang kontribusyon sa PhilHealth members kada tuig, hangtod maabot ang limit nga 5-percent sa 2025.
Gibutyag pa ni Ybanez nga tungod niining pagsuspendi sa implementasyon sa contribution hike, sundon sa ahensya ang contribution niadtong 2020 nga 3 porsiyento lang kon 300 pesos alang sa mga nag-sweldo ug 10,000 paubos kada bulan .
