Davao City – Dili na kinahanglan pa magkuha og Member Data Record or MDR sa philhealth kada tuig.
Kini ang giklaro ni Kleah Dublin-Guevarra sa Philhealth Davao atol sa pakighinabi kaniya ni RadyoMan Misel Miral sa Serbisyong Straight to the Point sa DXDC 621 RMN Davao.
Subay kini sa pangutana sa usa ka DXDC texter og kada tuig ba kinahanglan mukuha og MDR apan matud sa Philhealth nga mukuha lang og MDR og adunay i-update o ipausab sa record.
Sa pikas bahin, giingon usab ni Guevarra nga ang ID number sa philhealth usa na ka lifetime permanent number bisan mubalhin gikan sa usa ka kumpanya ngadto sa lain o sa mga buot mamahimong self employed o voluntary paying member diin matud pa mao lang gihapon nga number ang gamiton alang sa pagbayad og kontribusyon.
RadyoMaN Renz Barbarona
