Kalibo, Aklan – Pagahiwaton sa covered court it banwa’t Malay ro 2 adlaw nga job fair umpisa makaron nga adlaw hasta hin aga, kon siin prayoridad rikara ro Malaynon.
Suno kay Jona Solano, Administrative Officer IV it Public Employment Service Office PESO Malay, 20 ka kompanya halin sa Boracay ro maga offer it trabaho sa nasambit nga job fair.
Maging prayoridad kara ro mga aplikanteng Malaynon bangud maging bentaha raya sa bag-ong sueondanan nga pagalimitahan ro mga boarding houses ag staff houses sa isla.
Kon matandaan ging pahayag it inter-agency taskforce for Boracay rehabilitaition nga andang
ginaplanuhan nga irelocate ro mga workers sa mainland ag bawaeon ro boarding house operation para ma decongest ro isla.
Ginapadumdum man it PESO Malay ro mga aplikante kon nagaagto sa job fair nga magdaea it kumpletong requirements kamana man kopya it resume.
