Philippine Coast Guard – Caticlan nakaalerto eon sa selebrasyon it San Juan

106

Naka-alerto eon do grupo it Philippine Coast Guard Caticlan matapos do anda nga gin patigayon nga meeting kahapon kaibahan do Municipal Disaster Risk Reduction and Management Council (MDRRMC) it Malay.
Suno kay Station Commander Lieutenant Commander Eric Ferrancullo it PCG Caticlan, may mga tawuhan sanda nga iga-deploy sa mga gina dayo gid nga baybayon sa probinsya partikular sa New Washington kon siin man do PCG Dumaguit.
Dugang ni Ferrancullo may mga boat patrol sanda nga ubrahon hin-aga sa mga coastal areas para mamonitor do mga naga paligos sa selebrasyon it San Juan.
Nasayuran nga hin-aga hay may igapatigayon nga boat race ag fluvial parade sa New Washington nga kinahang-ean gid nga matutukan it PCG.
Do Pista ni San Juan hay gina selebrar kada 24 it Hunyo bilang pagpasidungog kay San Juan de Bautista.

Facebook Comments

From Advertisers